Шинэхэн Буганууд ширүүхэн байх бололтой
Өнгөрсөн оны аравдугаар 19-ны өдөр арвин түүхтэй Хоромхон клубтэй плэйоффын хоёр тоглолт хийж 4:3, 2:1 гэсэн давуутай ялалт байгуулсанаар Ховд ФС клубын хамтаар Монгол үндэсний дээд лиг (HISENSE)-т дэвшин орж ирсэн билээ.
Оны өмнө болж өнгөрсөн эхний тойрогт хангалттай бэлэн биш байгаагаа харсан уу гэлтэй өвлийн цонхоор идэвхитэй ажиллаж, хүлээлтээс давсан, зөрсөн наймааг мөн л Буганууд болон Ховд хоёр хийсээр байна.
Өнөөдрийг хүртэлх солилцоонууд дундаас хамгийн цуутайг нь Төв Буганууд зарлалаа. Ердөө 23 цагийн өмнө тэд Монгол улсын шигшээ багийн ахлагч, 2019 оны Монголын шилдэг хөлбөмбөгчин Х.Цэнд-Аюуш буюу Цэндээг шонхоруудын эгнээнээс сугалан авсанаа зарлалаа.
Түгээр ч зогсохгүй энэ улирлын дээд лигийн анхны Солонгос тоглогчийг авчирч байгаагаа мэдэгдсэн байна. Хамгаалагчийн байрлалд тоглох Жо Ёнхюн болон шинэ бүрэлдэхүүний талаарх мэдээллийг бид боломжтой үедээ нийтлэх болно.
БУСАД НЬ?
Цэндээгийн шуугианд анзаарагдалгүй өнгөрсөн мэт боловч идэвхитэй ажилласаар буй Ховдчууд дахин хоёр тоглогчийг зарлажээ.
Эдгээр тоглогчид бол: Япон тоглогч Такаяа Сугава (бичлэг үзэх), футзалын Хараацай клубын залуу тоглогч Тэмүүлэн нар юм байна.
