2024 онд Б.Билэгт ахлагчтай “Рэд Фараончууд – Red Pharaohs” баг.
Улаануудын Рэдс Лигт 2022 оноос эхлээд 3 дахь жилдээ оролцож байгаа. Багийн үндсэн өнгө Улаан. Рэд Фараончууд нь Рэдс Лигийн 2024 оны улиралд 2 менежер, 1 дасгалжуулагч, 14 тамирчинтайгаар нийт 17 хүний өргөн бүрэлдэхүүнтэйгээр хамрагдаад байгаа юм.
Багийн менежерээр М.Тунгалаг болон Д.Амарбаясгалан нар ажиллаж байгаа бөгөөд багийн дотоод уур амьсгал, арын албыг хариуцаж ажиллахын зэрэгцээ тоглогчдынхоо эрүүл хооллолтонд санаа тавин баг тамирчдын онцлогт тааруулсан хоол хүнсний хэрэгцээг мөн бэлдэн ажиллаж байна.
Багийн тоглолтын тактик, зохион байгуулалтыг хөлбөмбөгийн арвин туршлага, мэдлэгтэй дасгалжуулагч Н.Болороор удирдуулж байгаа нь Рэд Фараончуудын хувьд Рэдс Лигт өндөр ач холбогдол өгч байгааг харж болох юм.
“Red Pharaohs” багийн 2024 оны улирлын үндсэн ивээн тэтгэгчээр “Astra Foods” хамтран ажиллаж байгаа бөгөөд баг тамирчдыг тэмцээнд бүрэн хүчээр, санаа зовнилгүй оролцоход өндөр ач холбогдолтой байгаа юм.
Рэд Фараончуудын хувьд Рэдс Лигт оролцож байгаа нь зөвхөн тэмцээн, өрсөлдөөн гэхээс илүүтэйгээр Лигийн үндсэн зорилгын хүрээнд нэг санаа зорилго бүхий хүмүүстэйгээ амралтын өдөр дуртай спорт, дэмждэг багаараа дамжуулан хамт олон, нөхөрлөлөө бататган, эв нэгдлийг бий болгоход оршиж байна.
2023 онд Г.Лхагваа менежертэй, Б.Билэгт ахлагчтай РЭД ФАРАОН багийн нэгдсэн мэдээллийн хуудас.
2022 оны Менежер Ө.Дөлгөөн.
