Лиг: СУПЕР ЦОМ

ЭРЧИМ – УЛААНБААТАР

2022-23 оны Супер цомын тоглолт үндсэн цагт 1:1 харьцаатай тэнцэж, улмаар 11 метрийн цохилтоор ялагчийг тодрууллаа.

ФС Улаанбаатар эхэлж цохисон ба 5 цохилтын дараа Улаанбаатар 2:3 Эрчим болж (Эрчим баг тав дахиа цохиогүй) цомын эзнээр Эрчим баг тодорлоо.

—

Атлетик 220 – Дэрэн

2022 оны талбайн улирлын нээлтийн тоглолт Үндэсний Дээд лигийн аварга Атлетик 220 болон дэд аварга Дэрэн клубүүдийн хооронд гал гарсан тоглолтыг 2022 оны 03 сарын 11-нд 15:00 цагт МХБХ-ны ногоон талбайд хүрэлцэн ирж дэмжээрэй.

Тоглолтыг та бүхэн SPS Television шууд хүлээн авч үзээрэй.

—

Атлетик 220

“220 АНДУУД” НҮТББ, АТЛЕТИК 220 КЛУБ

Монгол Улс, Улаанбаатар хот, БЗД, 25-р хороо,
13-р хороолол, Хийморь-13, 74Г-байр, 35 тоот
Утас: 99094014, 98001112
И-мэйл: [email protected]

ДЭРЭН КЛУБ

2008 оноос үйл ажиллагаа явуулж буй Дэрэн клуб нь хөлбөмбөгийн спортоор дамжуулан Монголын ирээдүйг бүтээгч иргэд болсон хүүхдүүдээ ЗӨВ ХҮН болж төлөвшихөд нь хувь нэмрээ оруулах төдийгүй Монгол улсад хөлбөмбөгийн спортыг хөгжүүлж дэлхийн түвшинд хүргэхэд хувь нэмрээ оруулах зорилготой үйл ажиллагаагаа явуулдаг.
Бид одоогоор бэлтгэлийн хоёр талбайтайгаар үйл ажиллагаа явуулдаг бөгөөд үүний нэг нь Монголд анх удаа байгуулагдсан хүйтний улиралд ч хөлбөмбөгөөр хичээллэх боломж бүхий дулаан талбай Эйр дом юм. Энэ нь дөрвөн улирлын турш тасралтгүй хөлбөмбөгийн бэлтгэл сургуулилтыг хангах, үйл ажиллагаа явуулах боломжийг бий болгосон юм. Улмаар хүүхдийн зургаагаас дээш бүх насны ангилалд сургалт хичээллүүлдэг бөгөөд албан ёсны лицензтэй мэргэжлийн дотоод болон гадаад багш дасгалжуулагч нар ажилладаг.
Манай клубийн тамирчид Монголын хөлбөмбөгийн дээд зэрэглэлийн тэмцээн уралдаануудад өндөр амжилттай оролцдог төдийгүй бид олон улсын өндөр зэрэглэлийн тэмцээнүүдэд өрсөлдөх чадвартай монгол хөлбөмбөгчинг төрүүлэх зорилготой ажиллаж байна.
Мөн 2010 оноос өөрсдийн Дэрэн цом тэмцээнийг жил бүр амжилттай зохион байгуулсаар ирлээ. Тус тэмцээнд манай клубийн хүүхэд багачуудаас гадна дотоод болон гадаадын мэргэжлийн клубуудын өсвөрийн багууд оролцдогоороо онцлог юм.

ФС УЛААНБААТАР

ФС Улаанбаатар хөлбөмбөгийн хотын шигшээ баг нь 2010 онд санаачлан, хөлбөмбөгийн спортыг хөгжүүлэх, сурталчилан дэмжиж, улмаар тамирчид дасгалжуулагч нарыг бэлтгэн хөлбөмбөгийн спортыг хөгжүүлэхэд өөрсдийн хувь нэмрийг оруулах зорилгын хүрээнд 2011 оны тавдугаар сарын 19-ний өдөр албан ёсоор байгуулагдсан.

ФС Улаанбаатар нь Монгол улсын хөлбөмбөг сонирхогч хүүхэд багачуудын сонирхолыг дээшлүүлж, энэ спортоор дамжуулан тэдний хөгжил, хүмүүжил, боловсролд эерэгээр нөлөөлөх тодорхой орон зайг эзэлж цаашид Монгол улсын ирээдүйн нийгмийн хөгжилд өөрсдийн хувь нэмэр оруулахын төлөө ажилладаг.

Тус клуб нь 2019 оноос бэлтгэл ажлаа эхлүүлсэн ч цар тахлын улмаас түр саатсаны эцэст 2021 оны эхнээс FCUB “Kids Sports Academy” нэртэй сургалтын академиа байгуулан ажиллаж байна. Олон улсын хөлбөмбөгийн холбооноос тавигддаг шаардлагын дагуу болон хөлбөмбөгийн спортыг өөрсдийн бааз суурид түшиглэн түгээн дэлгэрүүлэх зорилгын хүрээнд нас насны ангилалын багтай болохоор зорин ажиллаж байгаа юм.