Category: Мэдээ

Эмэгтэй лигийн аваргууд тодорлоо

Монголын хөлбөмбөгийн холбооны ЭМЭГТЭЙЧҮҮДИЙН ЛИГ 2022-23 улирал таван сарын турш үргэлжилж, өндөрлөлөө. Энэ улиралд нийт долоон багийн 17-39 насны 170 гаруй тоглогч болон 30 гаруй арын албаны төлөөлөл оролцсон юм.

Гоол

Улиралд нийт 236 гоол орсоноос 66 (28%) гоолыг СТОРМ баг оруулсан бол хамгийн олон 92 (39%) гоол алдсан баг нь ДЭРЭН байлаа.

Хамгийн олон гоолтой тоглолт: 14 гоол орсон

Үр дүн

Баг1-р хагас2-р хагасГоол
СТОРМ10414
ДЭРЭН000

Хамгийн олон гоол оруулсан тоглогч: Н.Намуунаа 18 тоглолтод 18 гоол оруулсан

Хамгийн цөөн гоол алдсан хаалгач: Б.Мөнхзул 18 тоглолтод 5 гоол алдсан

Лигийн хүснэгт улирлын төгсгөлд:

Шилдэгүүд

Шилдэг довтлогч:

#
7
Нэр
Н. НАМУУНАА
Иргэншил
mngМонгол
Байрлал
Довтлогч
Баг
СТОРМ
Тэмцээнүүд
ДЭЭД ЛИГ ЭМЭГТЭЙ
Улирал
2022
Нас
24

Шилдэг хагас хамгаалагч:

#
22
Нэр
Г. ЦОЛМОН
Иргэншил
mngМонгол
Байрлал
Хагас хамгаалагч
Баг
ХАРААЦАЙ
Тэмцээнүүд
ДЭЭД ЛИГ ЭМЭГТЭЙ
Улирал
2022
Нас
20

Шилдэг хамгаалагч:

#
88
Нэр
А. АЛТАНТУЯА (А)
Иргэншил
mngМонгол
Байрлал
Хамгаалагч
Баг
СТОРМ
Тэмцээнүүд
ДЭЭД ЛИГ ЭМЭГТЭЙ
Улирал
2022
Нас
27

Шилдэг хаалгач:

#
1
Нэр
Б. МӨНХЗУЛ (Х)
Иргэншил
mngМонгол
Байрлал
Хаалгач
Баг
СТОРМ
Тэмцээнүүд
ДЭЭД ЛИГ ЭМЭГТЭЙ
Улирал
2022
Нас
1

АВАРГУУД

Ийнхүү үргэлжилсэн лигийн аваргаар СТОРМ БАГ 48 оноо, 15 хожил, 3 тэнцээ, +61 гоолтойгоор түрүүлсэн бол ХАРААЦАЙ БАГ ердөө 2 онооны арда 46 оноо, 15 хожил, +37 гоолтойгоор дэд байрт шалгарч, гутгаар байрт ТӨВ БУГАНУУД БАГ 25 оноо, 7 хожил, 4 тэнцээ, +25 гоолтойгоор шалгарлаа.

#1 долоо хоног: Нэгдүгээр лиг

Монголын хөлбөмбөгийн холбооны 2022-2023 оны Үндэсний Нэгдүгээр лиг 8 сарын 22-ноос эхлэлээ. Энэ жилийн Нэгдүгээр лигийн хувьд Дээд лигийн адил намар, хаврын улиралтай гурван тойрог явагдахаар болж байгаагаараа онцлог эхэлж байна.

Тус лигт Хөх чононууд, Ховд Вэстэрн, ДМЮ, Эрчим Б, Хад, Эрдэнэс Илч, Улаанбаатарын Мазаалайнууд болон хоёрдугаар лигээс дэвшин орж ирсэн Баварианс, Сэлэнгэ, Аллианс гэсэн 10-н баг өрсөлдөж байгаа юм.

Энэ 7 хоногт тус лигийн нэгдүгээр тойрог өрсөлдөөн ихтэй явагдаж өндөрлөлөө.

ЭРЧИМ Б – ХӨХ ЧОНОНУУД

Үр дүн

Баг1-р хагас2-р хагасГоол
ЭРЧИМ011
ЧОНОНУУД033

Шинэ улирал өнгөрсөн улирлын мөнгөн медальт Хөх Чононууд болон Монголын хөлбөмбөгийн дархан аварга Эрчим клубын Б багуудын тоглолтоор эхэлсэн ба тус тоглотонд Хөх чононууд 3:1 харьцаагаар лигийн тоглолтоо хожиж эхлүүлсэн.

СЭЛЭНГЭ – БАВАРИЧУУД

Үр дүн

Баг1-р хагас2-р хагасГоол
СЭЛЭНГЭ000
БАВАРИЧУУД213

Дараагийн тоглолт доороос анх удаа тус лигт дэвшин тоглож буй хоёр баг болох Сэлэнгэ аймгийн Сэлэнгэ болон энэ жилийн солилцоо наймаанд маш идэвхтэй оролцож шигшээ багийн болон дээд лигт ид тоглож буй тоглочдоор багаа бүрэн шинэчлээд буй Монгол дахь Bayern Munchen фэн клубын дэмжигчдийн Баварианс клубуудын хооронд болж Баварианс баг 3:0 хожин лигийн анхны хожилоо авсан байна.

ХАД – АЛЛИАНС

Мөн доод лигээс дэвшин гарсан нөгөө нэг баг болох Аллианс клуб нэгдүгээр лигийн тогтвортой амжилттай яваа Хад клубыг 2:0-ээр хожин энэ тойрогт сенсацийг тарилаа.

ЭРДЭНЭС ИЛЧ – УБ МАЗААЛАЙ

Үр дүн

Баг1-р хагас2-р хагасГоол
ИЛЧ134
МАЗААЛАЙ202

Харин энэ жил Нэгдүгээр лигт дээгүүр үзэх магадлал өндөр байгаа, солилцооны цонхоор маш идэвхтэй ажиллаж шигшээ багийн тамирчид болон лигийн шилдэг залуусаар багаа зузаатгаад буй Эрдэнэс Илч клуб лигийн хамгийн туршлагатай болон Монголын хөлбөмбөгт арвин түүхтэй багийн нэг УБ Мазаалайнуудтай тоглон Илч клуб 4:2 харьцаатай хожил байгуулан энэ жил дээгүүр үзнэ гэдэгээ батлах шиг.

ХОВД ВЭСТЭРН – ДМЮ

Үр дүн

Баг1-р хагас2-р хагасГоол
ВЭСТЭРН213
ДМЮ000

Энэ тойргийн сүүлийн тоглолт тус лиг анх эхэлсэн цагаас өдийг хүртэл тогтвортой тоглож буй энэ лигийн мөнхийн өрсөлдөгчид гэж хэлж болохуйц хоёр клуб болох хашир туршлагатай өнгөрсөн улиралын хүрэл медальт Ховд Вэстэрн болон энэ лигт жил ирэх бүр хамгийн залуу бүрэлдэхүүнтэйгээр зодоглодог өнгөрсөн улирлын дөрөвдүгээр байр ДМЮ клубуудын хооронд болж эцсийн дүнд Вэстэрн клуб 3:0-ээр хожсоноор лигийн эхний долоо хоногийг хаасан байна.

Лигийн хүснэгт

Хоёрдугаар тойргийн тоглолтууд өнөөдөр БАВАРИАНС – ЭРЧИМ Б багуудын тоглолтоор эхэлнэ.

Багуудад амжилт хүсэе.

Эрчим клуб СУПЕР ЦОМЫН ЭЗЭН.

СУПЕР ЦОМ: Эрчим клуб ес дөх цомоо өргөлөө

2011 оноос анх эхэлсэн СУПЕР ЦОМ-ын төлөөх тоглолт энэ жил 12 дох удаагаа боллоо. Тухайн жилийн дээд лигийн улирлын тэргүүн болон дэд байрын багууд тус цомын төлөө тоглодог билээ.

Анхны супер цомд Эрчим клуб, лигийн шинэхэн аваргатай тоглож байсан бол 12 жилийн дараа ийнхүү тус хоёр баг дахин учраа таарч тоглосон юм. Харин энэ удаад лигийн түрүүг Эрчим хүртсэнээрээ ялгаатай байв.

Түүхээс сөхвөл Эрчим клуб тус цомын төлөө 10 дах удаагаа шалгарч байгаа бол Улаанбаатар клуб 4 дөх удаагаа шалгарч буй энэ юм.

МХБХ-ны СУПЕР ЦОМ тоглолтын түүх

ЭХЛЭЛ

Энэ удаагийн супер цомын тоглолт онцлох зүйл ихтэй байлаа. Монголын хөлбөмбөгийн холбооны ногоон талбай зүлэгээ шинэчилж, сүүлийн үеийн технологийн шийдэл ашигласан шинэхэн талбайн нээлтийн туузыг тус тоглолтын өмнө хайчилсан юм.

Эрчим клуб: Өмнөх улирлын лигийн мэргэн бууч Юутаг орлуулж Солонгос довтлогч авчирсан байлаа.

Улаанбаатар клуб: Гарааны бүрэлдэхүүнд довтолгоо, хамгаалалт, хаалгачийн байрлалууд дээр өөрчлөлт орсон байлаа.

АХБХ-ны Дэд Ерөнхийлөгч МХБХ-ны Ерөнхийлөгч А.Ганбаатар, Зөвлөлийн гишүүн ТЗБХорооны дарга М.Амарбаясгалан, HBS компанийн ерөнхий захирал М.Баясгалан. Эрчим клубийн ахлагч Ц.Энхжаргал, Улаанбаатар клубийн ахлагч Д.Төрбат

ТОГЛОЛТ

Ийнхүү тоглолт тун ширүүн өрсөлдөөнтэй үргэлжилж хоёр багийн нягт хамгаалалт, хурдтай довтолгоон дунд өрнөсөөр 73 дах минутад Хаан Хүнс-Эрчим клубт улирлын өмнө нэгдсэн Солонгос тоглогч Ким Мин Сео тооны харьцааг нээсэн ч удалгүй Улаанбаатар клубийн Б.Балжиннямын жигүүрийн тоглолт үр дүнд хүрч тооны харьцаа 1-1 болж тэнцсэн. Улмаар үр дүн хэвээр үндсэн дууссан юм.

Торгуулийн цохилтоор ялагч шийдвэрлэхээр болж Монголын Үндэсний шигшээ багийн хаалгачид болох Улаанбаатар клубт улирлын өмнө нэгдээд буй Э.Мөнх-Эрдэнэ болон хашир туршлагатай хаалгач Б.Ариунболд нарийн хооронд эцсийн мөч өрнөж 3-2 харьцаагаар Хаан Хүнс-Эрчим клуб МХБХ-ны Супер Цомыг ес дөх удаагаа өргөлөө.

ДАРАА ХЭЗЭЭ?

Өнгөрсөн улиралд лигийн түрүүг эцсийн мөчид Эрчим клуб авсан, Супер цомд гурвантаа учраа таарч Эрчим клуб бүгдэд хожсоноор тус хоёр багийн өрсөлдөөн улам ширүүсч буй нь дамжиггүй.

Тэгвэл хөгжөөн дэмжигчдийг удаан хүлээлгэлгүй дахиад тоглох хуваарьтай байна. 2022-23 улирлын эхэнд буюу ердөө хоёр өдрийн дараа дахин тоглох болно.

Дэлгэрэнгүй

Огноо Цаг Лиг Улирал Тоглолт
2022-08-24 16:00 ДЭЭД ЛИГ 2023 3

Эх сурвалж: Монголын хөлбөмбөгийн холбоо

21 ААШТ өндөрлөж Үндэсний цомын эзэн тодорлоо

МУ-ын Ерөнхийлөгчийн ивээл дор зохион байгуулагдсан “Үндэсний Цом-2022” болон 21 аймгийн АШТ анх удаа алс баруун хязгаар нутаг Увс аймагт амжилттай болж өндөрлөлөө.

Тэмцээний хаалтын ажиллагаанд АХБХ-ны Дэд Ерөнхийлөгч, МХБХ-ны Ерөнхийлөгч А.Ганбаатар, ЕНБДарга ОУХМастер Д.Тэрбаатар, Увс аймгийн ХБХ-ны тэргүүн О.Ганцоорж, ЕНБДарга Д.Бэгзжав, Увс аймгийн Засаг даргын зөвлөх Л.Арцанхүү болон Баян-Өлгий аймгийн засаг дарга Д.Бауыржан нар оролцсон юм.

Ингээд 21 аймгийн АШТ-ий Дээд шатны аваргын төлөөх тун ширүүн өрсөлдөөнтэй тоглолтыг шүүн дэнслэн явуулсан шүүгч нар дурсгалын медалийг гардуулан өглөө.

Тэмцээний шилдгүүд – НЭГДҮГЭЭР ШАТ

Тэмцээний шилдгүүд – ДЭЭД ШАТ

Шилдэг довтлогч Э.Отгонбаяр (Дорнод) нар тус тус шалгарч, мөн шилдэг хагас хамгаалагчаар шалгарсан Н.Сайнбуянд тэмцээнийг ивээн тэтгэсэн “Амато8” сангаас тусгай шагнал гардуулсан юм.

МХБХ-ны 21 аймгийн АШТ-ий Нэгдүгээр шатны хүрэл медалийн төлөө Сэлэнгэ аймгийн шигшээ багийг хожсон Өмнөговь аймгийн шигшээ баг, мөнгөн медалийг Төв аймгийн шигшээ баг, аваргын алтан медаль цомын эздээр Баян-Өлгий аймгийн шигшээ багт тодорч Төв аймагтай хамт 2023 оны 21 аймгийн АШТ-ний Дээд шатанд өрсөлдөхөөр боллоо.

Тэгвэл Дээд шатны хүрэл медалийг Орхон аймаг хүртэж мөнгөн медалийг тэмцээнийг зохион байгуулсан Увс аймгийн шигшээ баг, аваргын алтан медаль Үндэсний цомын төлөө тоглосон Дархан-Уул аймаг байсан юм.

Хамгийн сонирхолтой тоглолт болох 21 аймгийн АШТ-ий аварга Дархан-Уул аймаг болон Улаанбаатар хотын аварга Сонгинохайрхан дүүргийн багуудын хооронд явагдаж 2-1 харьцаатай 21 аймгийн аварга Дархан-Уул аймгийн шигшээ баг ялалт байгуулж МУ-ын Ерөнхийлөгчийн ивээл дор явагдаж буй анхдугаар “Үндэсний Цом-2022” цомыг өргөж багийн ахлагч болон дэд ахлагчид өргөлөө.

Нэгдүгээр шатны аварга Баян-Өлгий, Үндэсний цом болон Дээд шатны аварга Дархан багууд

Тэмцээнд оролцсон нийт аймгуудын баг тамирчид аймгуудын удирдлагууд болон тэмцээнийг ивээн тэтгэсэн нийт албан байгууллагуудаа баярласан талархсанаа илэрхийлье.

Тэмцээний зохион байгуулалтын багт баяр хүргэе!

Мөн 10 гаран хоногийн турш ажиллаж, нийт 18 багийн 300 гаруй тоглогч, 50 гаруй арын алба, 50 гаруй зочид, зохион байгуулагчдын багийг тав тухтай байрлуулж, нийт 37 тоглолтыг маш амжилттай зохион байгуулж, шууд дамжуулсан Увс аймгийн хөлбөмбөгийн холбооны хамт олонд баяр хүргэе.

Эх сурвалж: Монголын хөлбөмбөгийн холбоо

21 ААШТ: Өдөр 3

ӨНӨӨДРИЙН ТОГЛОЛТЫН ХУВААРЬ, ҮР ДҮН

Тэмцээний гурав дахь өдрийг нээж Нэгдүгээр шатын А хэсгийн тоглолт Өмнөговь болон Завхан аймгуудын хооронд явагдаж 15-2 харьцаатай ялалт байгуулснаар 6 оноотой хэсгээ тэргүүлж эхэллээ.

Тэгвэл хэсгийн нөгөө тоглолт Баян-Өлгий болон Хөвсгөл аймгуудын хооронд тун сонирхолтой явагдаж 3-2 харьцаагаар Баян-Өлгийчүүд хожсоноор хэсгээ 6 оноотой Өмнөговь аймагтай цун тэргүүлж байна.

В хэсгийн тоглолт Хэнтий болон Төв аймгуудын хооронд явагдаж 18-1 харьцаагаар Төв аймгийн шигшээ багаа өрсөлдөгчөө хожсоноор хэсгийн эхний жолоо авч сүүлийн тоглолтоо Говь-Алтай аймгийн шигшээ багтай тоглоно.

Өнөөдрийн хамгийн сонирхолтой өрсөлдөөнтэй тоглолт болох хэсгийн эхний тоглолтууддаа хожил байгуулаад байсан Сэлэнгэ болон Говь-Алтай аймгуудын хооронд явагдсан юм.

Тус тоглолтод Сэлэнгэ аймгийн шигшээ баг торгуулийн цохилтыг алдаж өөрсдийн боломжоо алдсаныг Говь-Алтай аймаг эцсийн мөчид торгуулийн цохилтоос гоолдож 1-0 харьцаатай хожсоноор хэсгээ 6 оноотой тэргүүлж эхэллээ.

Маргааш буюу 7-р сарын 29-нд Нэгдүгээр шатны хэсгийн А хэсгийн 2 тоглолт явагдасны дараагаар тэмцээний нээлтийн ажиллагаа явагдана.

НЭГДҮГЭЭР ШАТНЫ хоёр хэсгийн үр дүн:

НЭГДҮГЭЭР ШАТ - А ХЭСЭГ

PosБагТХ+Т=Х-Г+Г-+/-О
165102742316
263303272512
342112412127
441031029-193
54004842-340

НЭГДҮГЭЭР ШАТ - B ХЭСЭГ

PosБагТХ+Т=Х-Г+Г-+/-О
14211278197
2320110646
3420210916
43003233-310

Эх сурвалж: МХБХ Тэмцээн зохион байгуулах хэлтэс

21 ААШТ: Өдөр 2

Увс аймгийн Улаангом хотод МУ-ын Ерөнхийлөгчийн ивээл дор зохион байгуулагдаж буй 21 аймгийн АШТ-ий Дээд шатны хэсгийн тоглолтууд өнөөдөр эхэллээ.

ӨНӨӨДРИЙН ТОГЛОЛТЫН ХУВААРЬ, ҮР ДҮН

Дээд шатны “Үхлийн хэсэг” гэгдэж буй “В” хэсгийн Орхон болон Дорнод аймгийн шигшээ багууд өнөөдрийн эхний тоглолтыг хийв. Орхон аймгийн багаас 11 дугаартай Ч.Бат-Эрдэнэ тоглолтын эхэнд хоёр гоол оруулж баг нь 2:0-ээр тэргүүлж байсан ч зүүн хязгаарын Дорнод аймгийн туршлагатай тоглогч Э.Отгонбаяр мөн нэгдүгээр үед хоёр гоолыг оруулсан юм. Эхний хагас 2:2-оор өндөрлөсөн нь тоглолтын эцсийн үр дүн байлаа.

Говьсүмбэр, Сүхбаатар гэсэн зүүн бүсийн дерби тоглолт өнөөдрийн 13:00 цагаас болоход энэ жил дээд шатанд дэвшин тоглож буй Говьсүмбэр аймгийн баг 8:1-ээр өрсөлдөгчөө илүүрхэв. Говьсүмбэр аймгийн багаас Б.Дөлгөөнтамир гурван гоол оруулж гангарсан бол Сүхбаатараас М.Пүрэвжав нэр төрийн нэг гоолыг шигтгэлээ.

Дээд шатны “А” хэсгийн хамгийн сонирхолтой тоглолт Ховд болон Дорноговь аймгуудын хооронд боллоо. Хоёр баг тун өрсөлдөөнтэй тоглолт үзүүлсний эцэст өнгөрсөн жилийн аварга Ховд аймгийн баг 3:2-оор хожиж, тун чухал ялалт байгуулав.

Хэсгийн шатны цаашлаад энэ тэмцээний хамгийн сонирхолтой тоглолт Дархан-Уул болон зохион байгуулагч Увс аймгийн хооронд болов. Нутагтаа тэмцээний зохион байгуулж буй Увс аймгийн шигшээ тоглолтыг тун өнгөтэй эхлүүлсэн ч эхний хагаст хүн дутуу болж, хүчирхэг бүрэлдэхүүнтэй Дархан-Уул аймгийн баг үндсэн цагт 5:1-ээр хожлоо.

Маргааш буюу 7-р сарын 28-нд Нэгдүгээр шатны хэсгийн хоёр дахь тоглолтууд явагдана.

Та бүхэн Elevensports.com онлайн шууд дамжуулалтын сайтаар тэмцээний бүх тоглолтыг хүлээн авч үзэж, нутгийн багаа дэмжээрэй.

ДЭЭД ШАТНЫ хоёр хэсгийн үр дүн:

ДЭЭД ШАТ - A ХЭСЭГ

PosБагТХ+Т=Х-Г+Г-+/-О
153201751211
2521212847
331029723
43003221-190

ДЭЭД ШАТ - B ХЭСЭГ

PosБагТХ+Т=Х-Г+Г-+/-О
154101851313
252129817
33102512-73
4301228-61

Эх сурвалж: МХБХ Тэмцээн зохион байгуулах хэлтэс

21 ААШТ: Эхний өдөр

Монгол Улсын Ерөнхийлөгчийн ивээл дор жил бүр уламжлал болгон зохион байгуулагддаг 21 аймгийн АШТ Увс аймгийн төв Улаангом хотод өнөөдөр /2022.07.26/ эхэллээ.

ӨНӨӨДРИЙН ТОГЛОЛТЫН ХУВААРЬ, ҮР ДҮН

Нийт есөн баг өрсөлдөж буй Нэгдүгээр шатны дөрвөн тоглолт энэ өдөр явагдахад Өмнөговь, Говь-Алтай, Сэлэнгэ, Баян-Өлгий аймгийн шигшээ багууд тус тусын өрсөлдөгчдөө буулган авав.

Тэмцээний салхийг хагалж тоглосон Өмнөговь аймаг өрсөлдөгч Архангайг 9:0-ээр илүүрхсэн бол хоёр дахь тоглолтод Говь-Алтай аймгийн залуус 8:1-ээр хожлоо.

Харин энэ өдрийн хамгийн өрсөлдөөнтэй тоглолт Сэлэнгэ – Төв аймгийн хооронд болж Сэлэнгэ аймгийн баг 2020 онд хүрэл медалийн төлөөх тоглолтод хожигдсон хариугаа авч 2:1-ээр хожлоо.

Сүүлийн тоглолт Баян-Өлгий болон Завхан аймгуудын хооронд болоход баруун хязгаарын Баян-Өлгий аймгийн баг 9:0-ээр өрсөлдөгчөө өвдөг шороодуулав.

Тэмцээний хоёр дахь өдөр Дээд шатны гал гарсан өрсөлдөөнтэй тоглолтууд явагдах болно. Та бүхэн Elevensports.com онлайн шууд дамжуулалтын сайтаар тэмцээний бүх тоглолтыг хүлээн авч үзэж, нутгийн багаа дэмжээрэй.

НЭГДҮГЭЭР ШАТНЫ хоёр хэсгийн үр дүн:

НЭГДҮГЭЭР ШАТ - А ХЭСЭГ

PosБагТХ+Т=Х-Г+Г-+/-О
165102742316
263303272512
342112412127
441031029-193
54004842-340

НЭГДҮГЭЭР ШАТ - B ХЭСЭГ

PosБагТХ+Т=Х-Г+Г-+/-О
14211278197
2320110646
3420210916
43003233-310

Эх сурвалж: МХБХ Тэмцээн зохион байгуулах хэлтэс

21 ААШТ

21 ААШТ сугалаа явагдлаа

Монгол Улсын Ерөнхийлөгчийн ивээл дор зохион байгуулагддаг 21-н аймгийн аварга шалгаруулах тэмцээний техникийн зөвлөгөөн болон сугалааны ажиллагаа Увс аймгийн Улаангом хотын нутгийн удирдлагын ордонд амжилттай явагдлаа.

Техникийн зөвлөгөөнийг нээж Увс аймгийн БТС-ын газрын дарга Б.Пүрэвгончиг, Улаангом сумын засаг дарга Ц.Гантөмөр оролцлоо.

Ийнхүү тэмцээний эхний шатны сугалаа болон тоглолтын хуваарь гарч, тоглолт эхлэхэд бэлэн боллоо.

21 ААШТ Хуваарь

ТЭМЦЭЭНИЙ ДЭЛГЭРЭНГҮЙ СТАТИСТИК, ЯВЦ

Техникийн зөвлөгөөний үеэр МХБХ-ноос хэрэгжүүлж буй бодлого, хөтөлбөр, төлөвлөгөөний талаар мэдээлэл өгч, тус тэмцээний удирдамж, зааварчилгааг дэлгэрэнгүй танилцуусан ба холбооноос бэлтгэгдсэн 12 шүүгч ирсэнийг нэг бүрчлэн танилцуулах ажиллагаа тус тус болсон юм.

Эх сурвалж: Монголын хөлбөмбөгийн холбоо

Рэдс лиг 2022 өндөрлөлөө

Нэгэн цаг үед спортод хайртай, дуртай залуучууд цахим орчинд танилцан нөхөрлөж явсаар ЛИВЭРПҮҮЛ ФЭН КЛУБ хэмээх нэр дор нэгдэн нийлж байжээ.

2015 оноос эхлэлтэй Ливэрпүүл клубыг дэмжигч залуусын РЭДС ЛИГ жил бүр алгасалгүй явсаар сүүлийн хоёр жилд цар тахлын улмаас завсарлаад энэ жил эргэн зохион байгуулагдлаа.

Энэ удаагийн тэмцээн тавдугаар сарын нэгнээс зургаадугаар сарын арван нэгний хооронд болж, нийт 8 багийн 121 тоглогч оролцсон ба хоёр тойргийн нийт 56 тоглолт болж өнгөрлөлөө. Тус тэмцээнийг статистик бүртгэл, хөтлөлт, тэмцээний оноолт, хуваарь үр дүнгийн мэдээллийг манай баг хариуцан, хамтран оролцлоо.

Лигийн аварга

Зургаа дах удаагийн лигийн аваргаар RED STORM баг 31 оноотойгоор хүснэгтийг тэргүүлж, түрүүллээ.

РЭДС ЛИГ - 2022

PosБагТХ+Т=Х-Г+Г-+/-О
114101343192431
21482439211826
3147342520524
4146261520-520
5145361721-418
6144281928-914
7144282339-1614
8142571629-1311

Тэмцээний шилдэгүүд

Шилдэг довтлогчоор (мэргэн бууч) RED STORM багийн довтлогч Ц. Гангэрэл 14 тоглолтод 15 гоолтой тодров. Мөн лигийн ШИЛДЭГ ТОГЛОГЧ-ийн шагналыг тэрээр хүртлээ.

Ц.Гангэрэл
#
7
Нэр
Ц. ГАНГЭРЭЛ
Иргэншил
mngМонгол
Байрлал
Хагас хамгаалагч
Товч нэр
Gange
Баг
RED STORM
Тэмцээнүүд
РЭДС ЛИГ
Улирал
2022, 2023
Нас
25

Шилдэг хамаагалагчаар RET STORM багийн ахлагч, хамгаалагч В. Ганзориг шалгарлаа.

В.Ганзориг
#
4
Нэр
В. ГАНЗОРИГ (C)
Иргэншил
mngМонгол
Байрлал
Хагас хамгаалагч
Товч нэр
Ganzo
Баг
RED STORM, METRO 40
Тэмцээнүүд
РЭДС ЛИГ, ЧИНГЭЛТЭЙ-30 ЦОМ
Улирал
2022, 2023
Нас
46

Шилдэг хаалгач YNWA 97 багийн хаалгач С. Баттуул 14 тоглолтоос 3 тоглолтод гоол алдаагүй ба 21 удаа хаалга чиглэсэн цохилтыг хааснаар тодорлоо.

#
1
Нэр
С. БАТТУУЛ (GK)
Иргэншил
mngМонгол
Байрлал
Хаалгач
Товч нэр
Tuul
Өндөр
170
Жин
68
Баг
YNWA 97
Тэмцээнүүд
РЭДС ЛИГ
Улирал
2022, 2023
Нас
31

Мөн лигийн тэмцээн баг, тоглогчдоо зохион байгуулж, амжилттай оролцуулсан менежерүүдээсээ шилдэгийг тодруулсан бөгөөд РЭДС ЛИГ 2022 улирлын шилдэг менежерээр VIKINGS багийн менежер З. Бадамцэцэг тодорлоо.

Менежер З. БАДАМЦЭЦЭГ

Иргэншил
mngМонгол
Баг
VIKINGS
Нас
35
Ажил: “МАТ” ХХК- Барилга бүтээц, зураг төслийн инженер 2010 онд дэмий сэлгүүцэж яваад хөлбөмбөгийн дэлхийн аваргыг үзээд Англи->Жеррард->Ливэрпүүл.. гээл хүмүүсийн явдаг мөр замналаар нь явж л дэмждэг болсон гэхүүдээ 😅 Рэдс лигт анх удаагаа менежер болж оролцож буй дор.

Лигийн хаалт

РЭДС ЛИГ 2022 ХААЛТ

Ливэрпүүлийн хөгжөөн дэмжигчдийн клуб ТББ-ын тухай багахан дэлгэрүүлбэл спортын цонх форумаас анх нэгдэн нөхөрлөж байсан залуус өдгөө албан ёсны статустай фэн клубээ байгуулаад даруй 10 жилийг ардаа орхижээ. Жил бүр рэдс лиг, рэдс кап тэмцээн, копуудын зуны цугларалт арга хэмжээнүүдийг тасралтгүй зохион байгуулж иржээ.

ФАНТАЗИ РЭДС ЛИГ

Лигийн сүүлийн 4 тоглолтын үр дүнгээр үндэслэн фантази лигийг Монголд анх удаа зохиосон юм. Анхны фантази рэдс лигт 39 менежерийн бүрдүүлсэн 41 баг өрсөлдлөө. Баг бүрээс тоглогч сонгогдсон ба нийт тоглогчдын 60 гаран хувь нь фантази сонголтод багтжээ.

Ингээд лигийн шилдэг менежерээр: Өгөөдэйхүү менежертэй UFC баг 507 оноогоор түрүүллээ. Хувь тоглогчдоос хамгийн өндөр 119 фантази оноог VIKINGS багийн Б. Мөнх-Эрдэнэ цуглуулжээ.

#
8
Нэр
Ж. ӨГӨӨДЭЙХҮҮ
Иргэншил
mngМонгол
Байрлал
Хагас хамгаалагч
Товч нэр
Uguudei
Өндөр
187
Жин
85
Баг
VIKINGS
Тэмцээнүүд
РЭДС ЛИГ
Улирал
2022
Нас
29
#
9
Нэр
Б. МӨНХ-ЭРДЭНЭ
Иргэншил
mngМонгол
Байрлал
Довтлогч
Товч нэр
MU
Өндөр
173
Жин
70
Баг
VIKINGS
Тэмцээнүүд
РЭДС ЛИГ
Улирал
2022, 2023
Нас
35

Спортын цонх лиг 2022

Нэгэн цаг үед спортод хайртай, дуртай залуучууд цахим орчинд СПОРТЫН ЦОНХ хэмээх нэр дор нэгдэн нийлж байжээ.

2011 оноос эхлэлтэй спортын хорхойтон залуусын СПОРТ ЦОНХ ЛИГ жил бүр алгасалгүй явсаар сүүлийн хоёр жилд цар тахлын улмаас завсарлаад энэ жил эргэн зохион байгуулагдлаа.

Энэ удаагийн тэмцээн тавдугаар сарын наймнаас зургаадугаар сарын тавны хооронд болж, нийт 6 багийн 54 тоглогч оролцсон ба гурван тойргийн нийт 90 тоглолт болж өнгөрлөлөө. Тус тэмцээнийг статистик бүртгэл, хөтлөлт, тэмцээний оноолт, хуваарь үр дүнгийн мэдээллийг манай баг хариуцан, хамтран оролцлоо.

Лигийн аварга

Арав дах удаагийн лигийн аваргаар тэмцээнийг зохион байгуулагч RC CORVINUS баг 31 оноотойгоор хүснэгтийг тэргүүлж, түрүүллээ.

СПОРТ ЦОНХ ЛИГ-ийн багууд

PosБагТХ+Т=Х-Г+Г-+/-О
115123039102939
21581637231425
3157172932-322
4156272328-520
5154472931-216
61521121447-337

Тэмцээний шилдэгүүд

Шилдэг довтлогчоор (мэргэн бууч) BLINKS багийн довтлогч Н. Эрдэнэ 15 тоглолтод 14 гоолтой тодров.

#
19
Нэр
Н. ЭРДЭНЭ
Иргэншил
mngМонгол
Байрлал
Хагас хамгаалагч
Товч нэр
eedee
Өндөр
173
Жин
80
Баг
168
Өмнөх баг
BLINKS
Тэмцээнүүд
СПОРТ ЦОНХ ЛИГ
Улирал
2022, 2023
Нас
29

Шилдэг тоглогчоор CORVINUS багийн хамгаалагч П.Санжмятав 15 тоглолтын турш тогтвортой тоглохын зэрэгцээ 1 гоол, 1 гоолын дамжуулалттай шалгарав.

#
9
Нэр
П. САНЖМЯТАВ
Иргэншил
mngМонгол
Байрлал
Хамгаалагч
Товч нэр
sanjaa
Өндөр
170
Жин
83
Баг
168
Өмнөх баг
CORVINUS
Тэмцээнүүд
СПОРТ ЦОНХ ЛИГ
Улирал
2022, 2023
Нас
34

Шилдэг хаалгач CORVINUS багийн хаалгач Б.Энхболд 15 тоглолтоос 7 тоглолтод гоол алдаагүй ба харин 1 гоол оруулж, 1 гоолын дамжуулалт өгснөөр энэ улирлын шилдэг нь байлаа.

#
1
Нэр
Б. ЭНХБОЛД (M)
Иргэншил
mngМонгол
Байрлал
Хаалгач
Товч нэр
becks
Өндөр
176
Жин
73
Баг
CORVINUS
Тэмцээнүүд
СПОРТ ЦОНХ ЛИГ
Улирал
2022, 2023
Нас
39

Лигийн хаалт

СПОРТЫН ЦОНХ ЛИГ 2022 ХААЛТ

Спортын цонх ТББ-ын тухай багахан дэлгэрүүлбэл 2005 онд анх нэгдэн нөхөрлөж байсан залуус өдгөө спортын салбартаа тууштай хүчин зүтгэсээр Монголын хөлбөмбөгийн холбоо, Монгол улсын олимпын хороо болон Монголын Спортын Корпораци, Спортын мэдээ мэдээллийн KOO.MN цахим хуудас, Туялзуур сэлэм, Шагай, И-Спорт зэрэг спорт холбоод, спортыг дэмжигч Мөсөн өргөө гэх мэтээр олуулаа спортын салбарын хөгжилд хувь нэмэр оруулсаар яваа юм байна.