Рэдс лиг эхэллээ

Английн премьер лигийн шилдэг клубуудын нэг Ливэрпүүл клубыг дэмжигч, Монгол дахь фэн клубын лигийн тэмцээн энэ жил зургаа дахь удаагаа болж байна. Цар тахлын улмаас хоёр жил завсарлаад байсан хөгжөөн дэмжигчдийн дундах энэхүү тэмцээн нь монгол дахь копуудын хүсэн хүлээдэг арга хэмжээнүүдийн нэг ажээ.

“Рэдс лиг” тэмцээн нь хоёр сарын турш үргэлжлэх ба найман багийн 120 гаруй тоглогчид болон багийн арын алба, хөгжөөн дэмжигчдийн оролцоотой томоохон арга хэмжээ юм. Хоёр үргэлжлэх тус тэмцээн ням гариг бүрийн өглөөний 09-13 цагуудын хооронд Дэрэн клубын ногоон талбайд үргэлжилнэ.

Лигийн эхний өдөр баг тус бүр хоёр тоглолт хийснээс В.Ганзориг ахлагчтай, Ж.Цэрэнханд менежертэй УЛААН ШУУРГА баг гайхалтай тоглолтыг толилуулж, хүснэгтийн тэргүүнд бичигдэж эхэлжээ.

Өнөөдрийн шилдэгүүд:

Рэд Фараонс багийн довтлогч Д.Анар – 4 гоол
Улаан шуурга багийн довтлогч С.Эрхболд – 4 гоол

Улаан шуурга багийн дотвлогч Л.Мөнхцолмон – 7 дамжуулалтаар тус тус тэргүүллээ.

Лигийн талаарх мэдээ мэдээлэл, статистикийг: РЭДС ЛИГ